جتكم ثورة
جتكم واحد زي عرابي
راجل كده في الزمن الصعب
و فـ ساحة عابدين يتمطع
يجأر صوته بشكوة شعب
***
جتكم شيخ زي عمر مكرم
يأسر كل الناس حواليه
سيفه الحكمة تهز عروش
وتزلزل من باشا لـ بيه
***
جتكم زي زعيم الأمة
أو مصطفى كامل وفريد
قاضي محامي عالم عامل حر عنيد
ليه مهدورة كرامتنا والعدل شهيد
***
جتكم مصري راضع من نيلها
شارب شايها فـ حواريها
فارس فاسه طارح خيرها
وفـ وقت الشدة حاميها
***
جتكم يوم فتح الحسابات م الأول وتدور الدورة
جتكم يوم _ في الوقت الضايع _ تتعلموا من مصر الحرة
جتكم ثورة
أحمد خلف عبد الرحيم
هناك ٤ تعليقات:
والله ياصحبى انا كل يوم بخاف عليك اكتر من الى قبله انا خايف نتحرم من الكتابات دى ذى ما حرمتنا من رسم الكاركاتير
عرفت انا مين طبعا
مش أحسن لو كنت قلت:
جالكم واحد زي عرابي
بدل
جاتكم واحد...
شكراً لك يا أحمد على التوضيح، ومرحباً بك
شكراً لك يا أحمد على التوضيح، ومرحباً بك
إرسال تعليق